គ្រឿងម្ជូរគ្រឿង

គ្រឿងផ្សំគ្រឿងម្ជូរគ្រឿង៖ 

ស្លឹកគ្រៃ ទឹកអំពិលទុំ  ម្ទេសក្រៀម ខ្ទឹមស ខ្ទឹមក្រហម រមៀត រំដេង ស្លឹកក្រូចសើច ស្ករត្នោត ទឹកត្រី អំបិល ស្ករអំពៅ​ ប្រេងម្ទេស ប្រេងផ្កាឈូករ័ត្ន 

វិធីចម្អិន សម្លម្ជូរគ្រឿងសាច់គោ 

គ្រឿងផ្សំៈ 

• គ្រឿងម្ជូរគ្រឿង ១កញ្ចប់ ៨០ក្រាម
• សាច់គោ ៨០០ក្រាម
• ត្រកួន ១០០០ក្រាម
• ទឹកត្រី ឬប្រហុក ៣០ក្រាម
• ម្រះព្រៅ ២០០ក្រាម
• ខ្ទិះដូង ២០០មីលីលីត្រ
• ស្ករអំពៅ ៥ក្រាម
• ទឹក ២០០០មីលីលីត្រ 
• ប្រេងឆា ១០មីលីលីត្រ

វិធីធ្វើ៖ 

១. ដាក់ឆ្នាំងអោយក្តៅ ដាក់ប្រេងឆាបន្តិច និងគ្រឿងម្ជូរគ្រឿងចូលឆាអោយឈ្ងុយ។ 

២. ដាក់សាច់គោចូល កូរជាមួយគ្រឿង រួចថែមប្រហុក ឬ​ ទឹកត្រី ស្ករអំពៅ និងខ្ទិះដូងពាក់កណ្តាល ហើយរំងាស់បន្តិច។ បន្ទាប់មកថែមទឹក ខ្ទិះដូងដែលនៅសល់ និងដាក់ត្រកួនចូល។ ពេលត្រកួនឆ្អិនបន្តិច ដាក់ម្រះព្រៅចូល រួចភ្លក្សមើលនិងបន្ថែមរសជាតិតាមចំណូលចិត្តជាការស្រេច។