សូមស្វាគមន៍មកកាន់ Camb-Ahaដែលមានន័យថា “អាហារខ្មែរ” សម្រាប់ពួកយើងមានន័យលើសពីនេះ ជាការបេ្តជ្ញាចិត្តលើការគិតគូរដល់សុខភាពរបស់លោកអ្នក និងសហគមន៍របស់យើង។

ឆ្លងកាត់បទពិសោធន៍ខ្វះការហូបចុកគ្រប់គ្រាន់កាលពីវ័យក្មេង ខ្ញុំពិតជាយល់យ៉ាងច្បាស់អំពីជីវិតក្រុមគ្រួសារកសិករក្នុងជនបទ។ គ្រួសារទាំងនេះភាគច្រើនមិនមានការផ្សារភ្ជាប់ជាមួយអ្នកទិញ កង្វះខាតព័ត៌មានទីផ្សារដែលចាំបាច់ និងចំណេះដឹង ព្រមទាំងឧបករណ៍សម្រាប់កែច្នៃ កសិផលរបស់ពួកគាត់ដើម្បីបង្កើនតម្លៃបន្ថែមនោះទេ ។

តាមរយះបទពិសោធន៍នេះ ធ្វើឲ្យខ្ញុំបានចំណាយពេលជាង ២០ឆ្នាំចូលរួមធ្វើការក្នុងអង្គការ ស្ថាប័នអភិវឌ្ឍនានា ដើម្បីចូលរួមអភិវឌ្ឍសហគមន៍ ។ ពាក់កណ្តាលឆ្នាំ ២០២២ ខ្ញុំបានបង្កើត សហគ្រាសបែបសង្គម ខេមរអាហារនេះឡើងដោយមានគោលបំណងពាំនាំ អាហារកែច្នៃដែលគិតគួរដល់សុខភាព ផលិតផលកែច្នៃបែបធម្មជាតិ ពីបងប្អូនកសិករ ម្ចាស់សិប្បកម្មខ្មែរដែលប្រើប្រាស់ធនធាន កសិផលខ្មែរយើងឲ្យអស់ពីលទ្ធភាព ពិសេស យើងទាំងអស់គ្នាក៏បានចូលរួមចំណែកក្នុងការបង្កើតការងារថ្មី និងបង្កើនប្រាក់ចំណូលសម្រាប់គ្រួសារនៅជាយក្រុង និងជនបទ។