ចក្ខុវិស័យរបស់ខេមរអាហារ ជាសហគ្រាសបែបសង្គមដែលឈានមុខគេក្នុងការចែកចាយផលិតផលកែច្នៃខ្មែរ ដែលផលិតនៅកក្នុងស្រុក ក្នុងគោលដៅប្រើប្រាស់កសិផលខ្មែរឲ្យអស់ពីលទ្ធភាព ក្នុង គោលបំណងបង្កើនការងារ ចំណូល និងសុខមាលភាពដល់សហគមន៍ខ្មែរយើង។

បេសកកម្មរបស់ ខេមរអាហារ គឺផ្ដល់ជម្រើសដ៏សំបូរបែបនៃផលិតផលកែច្នៃខ្មែរដែលមានទាំងគុណភាព និងអនាម័យដែលផ្តល់ផលជះជាវិជ្ជមានដល់សហគមន៍ទៀតផង។ ផលិតផលទាំងនោះរួមមាន គ្រឿងទេស អាហារសម្រន់ ផលិតផលថែរក្សាសុខភាព សម្ភារះប្រើប្រាស់ជាប្រចាំថ្ងៃ រួមទាំងតម្បាញដែលផលិតដោយដៃពីកសិករ និងអ្នកផលិតក្នុងស្រុក ក្នុងតម្លៃសមរម្យ។ យើងមានបំណងគាំទ្រដល់កសិករ និងអ្នកផលិតក្នុងស្រុកក្នុងការកែច្នៃ និងបន្តអភិវឌ្ឃផលិតផលខ្មែរឲ្យបានច្រើនប្រភេទ ទៀងទាត់ តាមរយៈការចែកចាយដែលអាចទុកចិត្តបាន។ តាមរយៈសហគ្រាសបែបសង្គមនេះ ខេមរអាហារ មានបំណងបង្កើតឥទ្ធិពលវិជ្ជមានយូរអង្វែងដល់អ្នកពាក់ព័ន្ធទាំងអស់ ហើយជំរុញឲ្យប្រព័ន្ធអេកូឡូហ្សីកសិពាណិជ្ជកម្មមានការរីកចម្រើននៅកម្ពុជា។ ដើម្បីសម្រេចបេសកកម្មនេះយើងស្វាគមន៍សហការជាមួយអ្នកកែច្នៃអាហារក្នុងស្រុក កសិករ សហគមន៍ សហគ្រាស អ្នកវិនិយោគផ្សេងៗ និងអង្គការអភិវឌ្ឍន៍ ស្ថាប័នពាក់ព័ន្ធ ពិភាក្សា និងកាន់ដៃគ្នាឆ្ពោះទៅរកការរីកចម្រើនពិតប្រាកដដល់សហគមន៍ខ្មែរ។